اختراقات ناجحة
تخيل انك شخص عادي في الهند وتم العرض عليك دور في فيلم من افلام بوليود لمدة يوم واحد والدور بسيط اوي هتمثل دور واحد بيسحب فلوس من مكنه اي تي ام وبتاخد الفلوس بتحطها في شنطه كبيرة حاسس ان الدور خلص صح ؟ لكن لا الحكايه لسه بتبدأ
انا تامر هاني وتعالي اكملك الحكايه
فجأه الناس دي بتلاقي نفسها متهمه في خسارة بنك قرب 14 مليون دولار متخيل الرقم الكلام ده دي الحكاية من ناحيه تعالي اعرفك الناحيه التانية حصل فيها ايه
وفي الناحية التانية موظفين البنك بتجيلهم رسايل كتير جدا ومخيفه من شركة فيزا للدفع بالبطاقات بتحذرهم ان في الالاف من طلبات السحب النقدي وكانت الناس دي بتستخدم بطاقات بنك في الهند اسمه كوزموز "معلش عدي اسمه معايا كده " بس يعني موظفين البنك كانوا شايفين ان ده طبيعي مفيش حاجة تقلق لكل ده وبعد نص ساعه كدة قالوا ياخدوا احتياطتهم ويسمحوا لشركه فيزا انهم يوقفوا عمليات السحب من بطاقات البنك التابعة ليهم بس جت متأخرة شوية كان في 12000 عمليه سحب منفصلة من اجهزة الصرف علي مستوي العالم سرق المجرمين من 28 دولة منهم امريكا و الامارات و المملكة المتحدة و روسيا كل ده في ساعتين و13 دقيقة عملية سرقه واختراق في منتهي السرعة والدقة و الجرأه والي كان ورا العملية الضخمة دي مجموعة لازاروس وبيتقال ان كوريا الشمالية هي الي بتدعم المجموعة دي بس خليني اقولك البنك اتسرق ازاي او كل ده حصل ازاي اكيد انت شايف الموضوع صعب و معقد لكن ببساطه من خلال رسالة بريد إلكتروني فتحها موظف أصاب شبكة الكمبيوتر ببرامج غير آمنة للأجهزة "هكر الاجهزة كلها ب لينك يعني موظف فتحه بالغلط"، وبمجرد الدخول، لعب الهاكرز في شويه برامج - تسمى مفتاح ATM – ودي الي بترسل رسايل إلى البنوك للموافقة على سحب الفلوس الطريقة دي سمحتلهم بسحب من جميع اجهزة الصرف في اي مكان في العالم لكن معرفوش يغيروا نظام الحد الاقصي للمبلغ وده خلاهم محتاجين عدد اكبر من الناس في الموقع وده الي خلاهم يستخدموا موضوع الفيلم الي حكتلكوا عليه في اول الحلقة وعملوا بطاقات مستنسخة مكررة ببيانات حقيقية وعلي مدار عمل المجموعة سرقوا ما يقرب من 3.2 مليار دولار
ومن عصابة كبيره لمراهق عنده 15سنه
اخترق النظام الأمني ل وكاله ناسا 1999م اسمه چيمس كان زهقان وقدر أنه يكسر امان 13 جهاز حصل علي البرامج والمعلومات المتعلقة بمشروع الفضاء، وعرف بعدين أن دهكان برنامج التحكم في درجة الحرارة والرطوبة على ضهر محطة الفضاء الدولية.
بس العملية معدتش بسلام كدة وحد من المسؤلين
خد باله وفصل أجهزة الكمبيوتر لمده 3 اسابيع
و شدده الامن علي الاجهزة بشكل كبير و ده كلفهم الآلاف الدولارات
بس چيمس مكنش هدفه يسرق اي بيانات أو معلومات سرية بس كل همه كان لمجرد العلم ، وقال لتلفزيون بي بي إس
ف2001 إن "السبب الوحيد الي خلاني انزل شفرة المصدر من وكالة ناسا هو أني كنت بدرسالبرمجة في القسم العلمي، و اكيد مفيش احسن من التعليم من قراءة البرامج المكتوبة للحكومة
وبعد كده مستواه اتطور وبقي اشطر بسم الله ماشاء الله عليهبعد كام اسبوع وهاجم قسم من وزارة الدفاع الامريكيه الي تم انشائه لمراقبة المخاطر التي تهدد الولايات المتحدة، واستخدمطريقة سرية للوصول، خليته يعرف يثبتبرامج تجسس على أحد الحواسيب في الوكالة.
وده خلاه يعرف يتجسس علي آلاف المكالمات والرسائل المتبادلة بين الموظفين، وعرف يوصل لأسماء المستخدمين وكلمات المرور الي سمحتله الوصول إلى ١٠ حواسيب عسكرية
قررت المحكمة أن جيمس سرق ما يعادل 1.7 م مليون دولار من برامج الحواسيب والبيانات، وخد حكم تقريبا ب10 سنين في السجن وغرامة بآلاف الدولارات واعترف ، بالذنب في تهمتين لتخفيف العقوبة، لكن اتحك عليه في الاخر بالسجن ٧ شهور مع الإقامة الجبرية لمدة عامين، واتمنع من استخدام اجهزة الكمبيوتر مع الالتزام بكتابة رسائل اعتذار إلى وكالة ناسا ووزارة الدفاع
ومن مراهق كان بيتعلم لمجموعة مغاربة قدروا يتحكموا في التلفزيون الاسرائيلي و فجأه كده والناس بتتفرج علي القناه 14 الاسرائيلية وبالمناسبه القناه كانت بتعرض علي الهوا الناس بيلاقوا شريط مكتوب عليه فلسطين حره "الله اعترفوا اخيرا هيمشوا ولا ايه "
وبعدها يظهر جمله تم اختراقكم من المغرب بالنسبالي دول الهكرز الاقرب لقلبي بصراحه ربنا يحفظهم
ومن الهاكرز الاكتر خطورة لبنت دخلت البنك في لبنان 2019 ب مسدس وهددت موظفين البنك واستولت بالقوة علي تلاتاشر الف دولار من حساب اختها هتقولي طبعا هي هتسرق حساب اختها ليه ما تسحب الفلوس وهي ساكته ليه الفرهده بس كان فيلا صعوبه شديده جدا وقتها علي اجراءات السحب وهي كانت محتاجه الفلوس في اسرع وقت علشان تدفع حساب الدكتور بتاع اختها وتدفع العلاج
وبعد اللقطة الدرامية قالت البنت أنه كان مجرد مسدس لعبه لعبه؟؟ اه والله هي الي قالت كده بنفسها وهي عملت كده علشان تقدر تساعد اختها
